टीकापुर, बैशाख २५

कैलालीको भासु भिरमा ट्रक खसेको छ । आइतबार राति १ बजे दार्चुलाबाट धनगढी आउँदै गरेको खाली ग्यास सिलिण्डर बोकेको मालबाहक सवारी भासु भिरमा दुर्घटना भएको हो ।

जिल्लाको चुरे गाउँपालिका वडा नं. ५ खानीडाडास्थित भासु भिरमा ७/८ सय मिटर तल ट्रक खसेको जिल्ला प्रहरी कार्यालय कैलालीले जनाएको छ । धनगढी उपमहानगरपालिका वडा नं. ५ तारानगरका राजेन्द्रप्रसाद बिष्टको सुदूरपश्चिम प्रदेश ०१००१ क १८१० आइसर कम्पनिको ट्रक दुर्घटनामा परेको हो ।

गाडीमा लोड गरिएका सबै ग्यास सिलिण्डर र ट्रकमा क्षति पुगेको छ । मानवीय क्षति नभए पनि गाडी र गाडीमा रहेका खालि सिलिन्डर पुणर् क्षति भएको बताइएको छ । विष्ट लटिनाथ मार्केटिङ फर्मका सञ्चालक हुन् । सो क्षेत्रमा प्रहरी परिचालन भएर क्षतिको विवरण संकलन गर्ने काम भइरहेको प्रहरीले जनाएको छ ।