टीकापुर, साउन २४
जनउत्थान सामुदायिक लघुवित्त वित्तिय संस्था लि. शाखा कार्यालय दुर्गोलीले एक कार्यक्रमको आयोजना गरि समूह सदस्यलाई ग्राहक संरक्षण कोष अन्तर्गत किरीया खर्च, ऋण तथा ब्याज मिनाहा गरेको छ ।

गत असार २५ गतेका दिन लम्की चुहा नगरपालिका–२ मोतिपुरका रसिना नाथ योगीको हृदयघातका कारण कोहलपुर मेडिकल कलेजमा निधन भएको थियो ।

मृत्तक योगीले शाखा कार्यालय दुर्गोलीबाट एक लाख सत्तरी हजार रुपैया ऋण स्वरुप लिएका थिए ।

वित्तिय संस्थाले ऋण मध्ये एक लाख बाउन्न हजार पांच सय बयानब्बे रुपैयाँ मिनाहा गरेको छ । यसका साथै तीन हजार रुपैया किरिया खर्च र बाकी रकम १४ हजार ९३० मृतक योगीकी छोरी प्रेरणा योगीलाई लम्की चुहा नगरपालिका वडा नं २ का वडा अध्यक्ष विष्णु ढकालले हस्तान्तरण गरेका छन ।

वित्तिय संस्थाले आफनो ग्राहक संरक्षण कोष २०७५ बमोजिम उक्त रकम मिनाहा गरेको हो ।

सो अवसरमा समाजसेवी गोमा तिमिल्सिना, लक्ष्मी बस्याल, जनउत्थान सामुदायिक लघुवित्त वित्तिय संस्था लि. शाखा कार्यालय दुर्गोलीका कनिष्ठ सहायक रामफल चौधरी, कनिष्ठ सहायक गंगा ढुङगाना प्र.स. निर्मल रैका लगायतको उपस्थिती रहेको थियो । कार्यक्रम जनउत्थान सामुदायिक लघुवित्त वित्तिय संस्था लि. शाखा कार्यालय दुर्गोलीका शाखा प्रमुख नरेश बहादुर भूलको अध्यक्षतामा सम्पन्न भएको थियो ।