टीकापुर, २२ चैत
टीकापुर बहुमुखी क्याम्पस स्वतन्त्र विद्यार्थी यूनियनले प्लस टु का विद्यार्थीहरुको आज एक समारोहकाबीच विदाई गरेको छ ।

स्ववियु सभापति सुरेशराज शर्माको सभापतित्वमा भएको विदाई समारोहको प्रमुख अतिथि प्लस टु कार्यक्रमका संयोजक भरतकुमार तिरुवा र विशिष्ट अतिथि प्राध्यापक संघका सभापति रामप्रसाद तिवारी रहेका थिए । सो अवसरमा कर्मचारी संघका सभापति धु्रव रावल र विभिन्न विद्यार्थी संघसंगठनका प्रमुखहरुको समेत उपस्थिति रहेको थियो ।

स्ववियू उपसभापति भक्तराज देवकोटाले स्वागत गरेको विदाई कार्यक्रम स्ववियू सदस्य यूवराज साउँदले सञ्चालन गरेका थिए । सो अवसरमा बोल्दै विभिन्न विद्यार्थी संघसंगठनका अगुवाहरुले क्याम्पसबाट प्लस टु कार्यक्रम हटाएको प्रति आपत्ती जनाएका छन ।

उनीहरुले क्याम्पसको अवस्था साधन स्रोत सम्पन्न हुँदा हुँदै पनि प्लस टु कार्यक्रम हटाउनु दुर्भाग्य भएको बताउँदै प्लस टु कार्यक्रमलाई निरन्तरता दिन क्याम्पस प्रशासनसँग माग गरेका छन । सो अवसरमा विद्यार्थीहरुले विभिन्न सांस्कृतिक कार्यक्रम प्रस्तुत गरेका थिए ।