टीकापुर, जेठ २७
कर्णाली नदीमा आज एक बेबारिसे महिलाको शव फेला परेको छ । इलाका प्रहरी कार्यालय टीकापुरका अनुसार ३०/३२ वर्ष उमेरकी महिलाको शव भेटिएको हो ।

टीकापुर नगरपालिका–२ सनकट्टीघाट नजिकै नदीमा रहेको रुखमा ती महिलाको शव अड्किएको अवस्थामा भेटिएको प्रहरीले जानकारी दिएको छ । महिलाले निलो रंगको ब्लाउज र गुलाबी रंगको पेटिकोट लगाएको बताईएको छ ।

प्रहरीका अनुसार महिलाको शव चिन्न नसकिने अवस्थामा रहेको छ ।