एशियन लाईफले रक्तदान गरी वार्षिकोत्सव मनायो
टीकापुर, २१ चैत
जीवन बीमा कम्पनी एशियन लाईफ इन्स्योरेन्सले आफ्नो १२ औं वार्षिकोत्सव आज विभिन्न कार्यक्रमको आयोजना गरी मनाएको छ । वार्षिकोत्सवको अवसरमा कम्पनीको टीकापुर र लम्की शाखाले रक्तदान कार्यक्रमको आयोजना गरेका छन । टीकापुरमा २७ र लम्कीमा ५० पिन्ट रगत संकलन भएको टीकापुर शाखाका प्रबन्धक गणेशबहादुर साउँदले जानकारी दिए ।
टीकापुरमा आयोजित रक्तदान कार्यक्रमको प्रमुख अतिथि टीकापुर रेडक्रसका सभापति जगदीश्वर पण्डित, विशिष्ट अतिथि टेक नारायण पौडेल र सेन्चुरी बैंक टीकापुर शाखाका प्रबन्धक नगेन्द्र कोइराला रहेका थिए । कार्यक्रमको सञ्चालन छविलाल जैशीले गरेका थिए भने स्वागत मन्तव्य बद्रीप्रसाद भट्टराईले राखेका थिए । कार्यक्रममा रक्तदाताहरुलाई प्रमाण पत्र प्रदान गरिएको थियो ।
प्रकाशित मिति: बिहीबार, चैत २१, २०७५ १६:०४
प्रतिक्रिया दिनुहोस्
साताको लोकप्रीय
