टीकापुर, भदौ १४
टीकापुर उद्योग वाणिज्य संघको आसन्न निर्वाचनका लागि आज चक्रपाणी सापकोटा नेतृत्वको प्यानल घोषणा भएको छ । अध्यक्षका दावेदार रहेका सापकोटा वर्तमान कार्य समितिको वरिष्ठ उपाध्यक्ष हुन ।

उनी नेतृत्वको प्यानलमा उपाध्यक्ष उद्योग जगतराज चौधरी र उपाध्यक्ष वाणिज्य कृष्णप्रसाद उपाध्याय बजगाई रहेका छन । चौधरी वर्तमान कार्य समितिमा समेत उद्योग तर्फका उपाध्यक्ष हुन ।

प्यालनमा महासचिव परमानन्द पाण्डे, सचिव तपेन्द्र कुँवर र कोषाध्यक्ष हरिलाल चौधरी रहेका छन । त्यस्तै प्यानलको सदस्य उम्मेदवारमा प्रकाश उपाध्याय तिमिल्सेना, पृथ्वीराज ढुंगाना, बमबहादुर वली, हेमन्त रावल, बिनोद शर्मा बरही, नमराज देवकोटा, दुर्गा साहु रहेका छन ।

प्यानलको समावेशी सदस्यतर्फ दलितमा माया बागदास, जनजातिमा जीतबहादुर चौधरी पन्छी र महिलामा सुश्री पार्वतीकुमारी महतो रहेका छन ।

संघको अध्यक्षका लागि वर्तमान महासचिव तपेन्द्र स्वाँर र अघिल्लो कार्य समितिका वरिष्ठ उपाध्यक्ष राजेन्द्र शाहले समेत दावी गरेका छन । दुवै जनाले औपचारिक कार्यक्रम गरी प्यानल घोषणा भने गरेका छैनन् । उनीहरुले सामाजिक सञ्जाल लगायतमार्फत आफ्नो उम्मेदवारीको घोषणा गरेको पाईएको छ ।

संघको आगामी तीन वर्षे कार्यकालका लागि यही भदौ १८ गते मतदान हुनेछ । मतदानमा टीकापुर नगरपालिका र जानकी गाउँपालिकाका १ हजार १६३ जना उद्योगी व्यवशायीले मतदान गर्ने प्रमुख निर्वाचन अधिकृत रघुनाथ उपाध्यायले जानकारी दिएका छन ।
उनले १६ गते बिहान ८ देखी ११ बजेसम्म उम्मेदवारको मनोनयन दर्ता कार्यक्रम रहेको समेत जानकारी दिए ।