टीकापुर, साउन २८

कैलालीको टीकापुरस्थित नेपाल बैंक लिमिटेड टीकापुर शाखा कार्यालयको भवन बन्ने भएको छ । टीकापुर नगरपालिका वडा नं. १ ब्लक नं. ए स्थित चिन्डे्रन पार्कसँगैको बैंकको जग्गामा भवन बन्ने भएको हो ।

आज एक कार्यक्रमका बिच टीकापुर नगरपालिकाका नगर प्रमुख रामलाल डगौरा थारु र बैंकका सुदूरपश्चिम प्रमुख विश्वराज भण्डारीले शिलान्यास गरेका छन् ।

कुल ३ करोड ३७ लाख ५२ हजार लागतमा एम वि निराजन जेभी निर्माण कम्पनीले भवन निर्माण गर्ने गरी सम्झौता गरेको छ ।

पहिलो चरणमा डेढ तला निर्माण हुने बैंकको भवन झण्डै ४ हजार २ शय वर्ग फिटमा निर्माण हुनेछ ।

एक वर्ष भित्र निर्माण कार्य निर्माण सक्ने गरी निर्माण कार्य शुरु गरिएको निर्माण व्यवसायी अमरसिंह रावलले जानकारी दिए । समयमै निर्माण सम्पन्न भए बैंकले मुख्य बजार क्षेत्रमा रहेको आफ्नै भवनबाट सेवा दिनेछ ।