टीकापुर खानेपानीको नेतृत्व चयनका लागि मतदान जारी
टीकापुर, साउन २६
टीकापुर साना शहरी खानेपानी उपभोक्ता तथा सरसफाई संस्थाको आगामी नेतृत्व चयनका लागि मतदान भइरहेको छ । टीकापुरस्थित सिटी हलमा नयाँ नेतृत्व चयनका लागि मतदान भइरहेको छ ।
सहायक निर्वाचन अधिकृत रघुनाथ उपाध्यायले दिएको जानकारी अनुसार दिउँसो १ बजेसम्म १ हजार ५ शय बढी मत खसेको छ । विहान ७ बजेदेखि नै शुरु भएको मतदानमा उपभोक्ताको संख्या अनुसार मत कम खसेको पाइएको छ । संस्थाको नियमानुसार ५ हजार ३ शय २५ जनाले मतदान गर्न सक्नेछन् ।
संस्थाको नेतृत्व चयनका लागि वर्तमान सचिव नरेशकुमार खत्री र प्रकाशबहादुर बुढाथोकी प्यानलसहित चुनावी मैदानमा उत्रिएका छन् । बुढाथोकी टीकापुर नगरपालिका वडा नं. २ का निवर्तमान वडाध्यक्ष हुन ।
उपाध्यक्षमा भने सृजना शर्मा पण्डित निर्विरोध निर्वाचित भएकी छन् । त्यस्तै सचिवमा खत्री प्यानलबाट चक्र तिमिल्सिना र कोषाध्यक्षमा विश्राम थारु र बुढाथोकी प्यानलबाट सचिवमा मनिष बलायर र कोषाध्यक्षमा हिरासिँह बिष्ट र मोतिसिँह खत्रीको समेत उम्मेदवारी परेको छ ।
प्रकाशित मिति: बिहीबार, साउन २६, २०७९ १३:०८
प्रतिक्रिया दिनुहोस्
साताको लोकप्रीय
