डेढ किलो चरेस सहित सशस्त्र प्रहरी पक्राउ
धनगढी, साउन २३
सशस्त्र प्रहरीका जवान डेढ किलो चरेससहित आज धनगढीस्थित एक होटलबाट पक्राउ परेका छन । पक्राउ पर्नेमा बझाङको दुर्गाथली गाउँपालिका– ४ घर भएका गणेश प्रसाद जोशी रहेको जिल्ला प्रहरी कार्यालय कैलालीले जानकारी दिएको छ ।
उनी कैलालीको बनबेहडामा कार्यरत रहेको बताईएको छ । उनको साथबाट डेढ किलो चरेस बरामद गरिएको छ । उनलाई धनगढीको सिटी होटेलबाट प्रदेश प्रहरी र जिल्ला प्रहरीको संयुक्त टोलीले पक्राउ गरेको हो ।
पक्राउ परेका जोशीलाई नियन्त्रणमा लिएर थप अनुसन्धान भइरहेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक वेदप्रकाश जोशीले जानकारी दिए ।
प्रकाशित मिति: सोमबार, साउन २३, २०७९ १७:०८
प्रतिक्रिया दिनुहोस्
साताको लोकप्रीय
