टीकापुर, असार ३१

कैलालीका एक युवकको कञ्चनपुरमा मृत्यु भएको छ । कैलालीको भजनी नगरपालिका वडा नं. ६ का २६ वर्षीय मनिराम चौधरीको मृत्यु भएको प्रहरीले बताएको छ ।

प्रहरीका अनुसार कञ्चनपुरको भीमदत्त नगरपालिका वडा नं. १८ सालघरीका चन्द्रबहादुर गुरुङको घरमा डेरा गरी बस्दै आएका उनी कोठामा बेहोस अवस्थामा फेला परेका थिए । उनको बिहीबार राति महाकाली अस्पतालमा मृत्यु भएको हो ।

मदिरा सेवन गरेका चौधरी कोठामा बेहोस अवस्थामा पाइएका घरबेटी गुरुङले बताएको जिल्ला प्रहरी कार्यालय कञ्चनपुरले जनाएको छ । घटनाबारे आवश्यक अनुसन्धान भइरहेको बताइएको छ ।