टीकापुर, असार २८

कैलालीमा लागू औषधका प्रयोगकर्ताहरु सबैभन्दा बढी रहेको टीकापुरमा आज थप चार जना लागु औषध खेरो हिरोइनसहित सहित पक्राउ परेका छन ।

टीकापुर नगरपालिका वडा नम्बर ९ स्थित खक्रौला प्रहरी चेकपोस्टबाट प्रहरीले ६ ग्राम ६ शय मिलिग्राम खैरो हिरोइनसहित चार जनालाई पक्राउ गरेको हो ।

पक्राउ पर्नेमा बर्दियाको राजापुर नगरपालिका वडा न. ७ का २५ वर्ष लक्ष्मण सुनार, २५ बर्षका तेजबहादुर बिटालु, २४ बर्षका अजय दमाई र २४ बर्षका नागेश्वर थारु रहेको इलाका प्रहरी कार्यालय टीकापुरले जनाएको छ ।

कार्यालयका प्रमुख डिएसपी हेमबहादुर शाहीले हाम्रोपत्रलाई दिएको जानकारी अनुसार आज झन्डै ३ बजे प्रहरी चौकी कालाकुण्डाको टोलीले भे १ ह ४२७४ नं. को अटोमा उक्त परिमाणको खैरो हिरोइनसहित चारजना पक्राउ परेको बताए ।

भारत तर्फबाट आउदै गरेको उक्त अटोको भित्रपट्टि छतको भागमा कालो प्लाष्टिकमा पोका पारी लुकाई छिपाई गरी राखेको अवस्थामा फेला पारेको हो । उनिहरुमाथी थप अनुसन्धान भैरहेको प्रहरीले जनाएको छ ।