टीकापुर, असार २८

कैलालीको मध्यवर्ती गौरीगंगा नगरपालिकाबाट लागूऔषधसहित ३ जना फक्राउ परेका छन् ।

गौरीगंगा नगरपालिका वडा नं. ९ शान्तिपुर बस्ने मेघराज पौडेलको घरबाट ३५ ग्राम अवैध लागूऔषध ब्राउन सुगरसहित घोडाघोडी नगरपालिका २ शिवनगर बस्ने २८ वर्षीय हिक्मत बहादुर बमसहित ३ जनालाई सोमबार दिउँसो प्रहरीले पक्राउ गरेको हो ।

विशेष सूचनाको आधारमा खटिएको प्रहरीले उक्त घर तलासी गर्दा उक्त लागूऔषध फेला पारी उनीहरूलाई पक्राउ गरेको प्रहरीले बताएको छ। साथै प्रहरीले उक्त घरबाट १० थान मोबाइल, लागूऔषध जोख्ने १ थान काटा, नगद ९५ हजार २०० नेपाली रूपैयाँ, नगद २ हजार १०० भारतीय रूपैयाँ, १ थान मोटरसाइकल, अन्य भन्सार छलिका मालसामान समेत बरामद गरेको प्रहरीले बताएको छ ।

घटनाबारे सम्बन्धमा प्रहरीले थप अनुसन्धान गरिरहेको छ ।