धनगढी, असार २१
जिल्ला प्रहरी कार्यालय कैलालीले खैरो हिरोईन सहित आज एक व्यक्तिलाई पक्राउ गरेको छ । पक्राउ पर्नेमा गोदावरी नगरपालिका वडा नं. १२ बस्ने २९ वर्षका धर्म बडैला रहेको प्रवक्ता डिएसपी बेद जोशीले जानकारी दिएका छन ।

उनी धनगढी उपमहानगरपालिका वडा नं. २ त्रिनगर ब्यारेल नजिकबाट पक्राउ परेका हुन । उनले चलाईरहेको से ७ प ६२३७ नम्बरको स्कुटीलाई शंका लागी चेकजाँच गर्ने क्रममा पक्राउ परेको जोशीले बताए ।

उनले बडैलाले पाईन्टको खल्तीमा लुकाई छिपाई राखेको ८ ग्राम लागुऔषध खैरो हेरोईन बरामद भएको जानकारी दिए । उनका अनुसार बडैलालाई पक्राउ गरी थप अनुसन्धान भैरहेको छ ।