काठमाण्डौं, असार १९

नेपाल प्रहरीले प्रहरी सहायक निरिक्षक र जवानमा भर्ना खोलेको छ ।

मानव स्रोत विकास विभाग भर्ना छनौट शाखा नक्सालले सूचना सार्वजनिक गर्दै जनशक्ति माग गरेको छ ।

जनपद समूहतर्फ प्रहरी सहायक निरीक्षक चार सय ४३ र प्रहरी जवान दुई हजार चार सय ७४ जना माग भएको हो ।

खुला प्रतियोगिताद्वारा समावेशी प्रावधान बमोजिम ती पदमा पदपूर्ति गर्न लागिएको छ । प्रहरी प्रधान कार्यालयले २ हजार ९१७ जना प्रहरी माग गरेको हो ।