टीकापुर, असार १७

कैलालीमा लागुऔषधसहित एक किशोर पक्राउ परेका छन् । इलाका प्रहरी कार्यालय टीकापुरले टीकापुर नगरपालिका वडा नं. ९ खक्रौलाबाट लम्कीचुहा नगरपालिका वडा नं. ४ बलिया बस्ने १८ वर्षीय किशोरलाई पक्राउ गरेको हो ।

उनलाई नियन्त्रित लागुऔषध १ शय २२ ट्याब्लेट नाईट्राभेट र १ शय ३० मिलिग्राम खैरो हेटोईन जस्तो देखिने पदार्थसहित बिहीबार साँझ प्रहरीले पक्राउ गरेको जनाएको छ ।

प्रहरी चौकी कालाकुण्डाबाट खटिएको प्रहरीले जाँच गर्ने क्रममा उनलाई लागुऔषध फेला पारेर पक्राउ गरेको हो ।

घटनाको थप अनुसन्धान भइरहेको प्रहरीले जनाएको छ ।